Səudiyyə Ərəbistanı Yəmənə 3 milyard dollar iqtisadi yardım ayırdığını açıqlayıb.
Banker.az xarici KİV-ə istinadən xəbər verir ki, bu barədə ölkənin “SPA” agentliyi məlumat yayıb.
“Səudiyyə Ərəbistanı krallığı Yəmənə 3 milyard dollar həcmində iqtisadi yardım ayırır”, – deyə mesajda bildirilib.
Ər-Riyad Yəmənin yeni Prezident Şurasını “bu ölkədə sülhün bərqərar olması üçün” BMT-nin himayəsi altında husilərlə danışıqlara başlamağa çağırıb.
Martın sonunda Səudiyyə Ərəbistanı husilərin krallığa qarşı hücumları fonunda BMT Təhlükəsizlik Şurasının xüsusi iclasını tələb edib.
