İran hakimiyyəti 20 aprel tarixindən koronavirusa görə tətbiq edilən bir sıra məhdudiyyətləri aradan qaldıracaq. Bu barədə İranPrezidenti Həsən Ruhani bildirib.
Onun sözlərinə görə, orta riskli kateqoriyaya daxil olan müəssisələrin fəaliyyətinə Səhiyyə Nazirliyinin xüsusi icazəsi əsasında 20 aprel tarixindən icazə veriləcək.
Ruhani, həmçinin ölkədə xəstələrin və ölənlərin sayının azaldığını vurğulayıb. Bununla belə, kafe və restoranlar hələlik bağlı qalacaq. Lakin aprelin 20-dən İranın əyalətləri arasında şəxsi avtomobillərlə gediş-gəlişə icazə veriləcək.
