13 C
Baku
Friday, April 19, 2024

Sahələrdən yığılıb məntəqələrə təhvil verilən pambığın həcmi açıqlanıb

Bugünədək fermerlər tərəfindən kondisiya çəkidə 313706 ton pambıq yığılaraq tədarük məntəqələrinə təhvil verilib. Banker.az Kənd Təsərrüfatı Nazirliyinə istinadən xəbər verir ki, respublika üzrə pambığın orta məhsuldarlığı 30.09 sent/ha təşkil edir.

Pambıq əkini aparılmış 16 rayondan 8-də – Ağcabədi, Beyləqan, Bərdə, Saatlı, Salyan, Tərtər, Yevlax və Zərdabda orta məhsuldarlıq göstəricisi ümumrespublika göstəricisindən yüksəkdir.

Bu il Azərbaycanın 16 rayonunda ümumilikdə 100 min hektardan artıq sahədə pambıq əkini aparılıb. Ən çox pambıq Saatlı, Ağcabədi, Sabirabad və Bərdə rayonunlarının ərazisində əkilib. Bu rayonların ərazisində pambıq əkinlərinin sahəsi 11 min hektardan çoxdur. Ümumilikdə respublika üzrə pambıq əkini sahələrinin 45 faizdən çoxu bu 4 rayonun payına düşür.

Xatırladaq ki, Aqrar Subsidiya Şurasının qərarına əsasən, bu ildən tədarük məntəqələrinə təhvil verilən pambığa görə yalnız məhsul subsidiyası verilir. Eyni qərarla məhsul subsidiyasının məbləği hər tona görə 100 manatdan 170 manata qaldırılıb. Aqrar Subsidiya Şurasının 2023-cü il üçün qəbul etdiyi qərara görə, gələn ildən fermerlər tədarük məntəqələrinə təhvil verdikləri pambığın hər tonuna görə 180 manat subsidiya alacaqlar.

Həmçinin, 2022-ci ildə şirkətlər tərəfidən xam pambığın alış qiyməti yanvar və avqust aylarında hər dəfə 50 manat olmaqla iki dəfə artırılıb. Ötən il 1-ci sort pambığın 1 tonu fermerlərdən 700 manata alırdısa, bu il təhvil verilən eyni sort pambığın 1 tonuna görə fermerlərə 800 manat ödənilir.

Son xəbərlər
Digər xəbərlər