“Agalarov Development” şirkəti Şahdağ dağlarında yeni layihə – Sky Breeze Shahdagın başlanmasını elan edib. Bu, Sea Breeze ekosistemindəki ilk qış lokasiyasıdır.
Banker.az xəbər verir ki, layihə Azərbaycanın dağlıq xizək bölgələrindən birində, 20 hektarlıq ərazidə reallaşacaq. Burada kotteclər və yaşayış kompleksləri tikiləcək.
Sea Breeze kurort şəhərinin təsisçisi Emin Agalarov bildirib:
“Sea Breeze layihəsi o qədər uğurlu oldu ki, biz onu digər istiqamətlərdə inkişaf etdirməyə qərar verdik. Beləliklə, yeni Sky Breeze brendi ortaya çıxdı. Su ilə bağlı hər şey Sea Breeze, dağlarla bağlı hər şey isə Sky Breeze olacaq. Bu, Sea Breeze-in kiçik, qış versiyasıdır və bu möhtəşəm dağ xizək kurortunun qonaqlarına unikal təcrübə və rahat həyat və istirahət məkanı təqdim edəcək.”
