Hyundai markalı avtomobillərin Azərbaycanda səlahiyyətli və yeganə rəsmi distributoru “Auto Azerbaijan” MMC-nin nizamnamə kapitalı yüksəldilib.
Banker.az xəbər verir ki, “Auto Azerbaijan”nın nizamnamə kapitalı 13 352 742 ABŞ dollarından 15 352 742 dollara yüksəldilib.
Bu da şirkətin nizamnamə kapitalının 2 milyon dollar və ya 15% artımıdır.
“Auto Azərbaycan” şirkəti 1996-cı ildən fəaliyyət göstərir. Başda avtomobil olmaqla, pərakəndə və maliyyə sahələrində də fəaliyyət göstərir. Şirkət “NAB Holding”ə daxildir. “Hyundai” avtomobil markasının rəsmi eksklüziv distributorudur.
