Sahibkarlara ödəyəcəkləri gömrük rüsumunun məbləği SMS vasitəsilə bildiriləcək.
Bu barədə Dövlət Gömrük Komitəsinin sədri Səfər Mehdiyev Sahibkarlar Gününə həsr olunmuş konfransda deyib.
O bildirib ki, Dövlət Gömrük Komitəsində vahid SMS-məlumatlandırma sistemi yaradılacaq. İstər sahibkarın idxal olunan məhsulunun sərhəd-keçid məntəqəsinə çatması, istərsə də ödəyəcəyi gömrük rüsumunun məbləği SMS vasitəsilə onlara bildiriləcək. Bu, idxalla məşğul olan sahibkarların işini asanlaşdıracaq.
