Bu ilin fevral ayında Azərbaycanın planşet bazarında “Samsung”un payı 73,79 % təşkil edib.
Bu, yanvar ayına nisbətən 2,69 faiz bəndi az, bir il əvvəlki göstərici ilə müqayisədə isə 22,49 faiz bəndi çoxdur. Beləliklə şirkətin bazar payı ardıcıl olaraq ikinci aydır azalır.
İkinci pillədə qərarlaşan “Apple”ın bazar payı aylıq 1,69 faiz bəndi artaraq, illik isə 21,37 faiz bəndi azalaraq 11,73 % təşkil edib.
Üçüncü pillədəki “Xiaomi”nin bazar payı aylıq 0,1 faiz bəndi artaraq, illik isə 1,83 faiz bəndi azalaraq 5,49 % olub.
Dördüncü pillədə qərarlaşan adları açıqlanmayan brendlərin bazar payı aylıq 1,39 faiz bəndi, illik isə 0,35 faiz bəndi artaraq 4,7 % təşkil edib.
İlk beşliyi 2,9 %-lik bazar payı ilə “Honor” qapayır. Onun bazar payı əvvəlki aya nisbətən 0,56 faiz bəndi azalıb, bir il əvvəlki göstərici ilə müqayisədə isə 0,62 faiz bəndi artıb.
