19 C
Baku
Sunday, May 19, 2024

“Samsung” dünyanın ilk şəffaf displeyini təqdim edib – Video

“Samsung” şirkəti “CES” təqdimatı çərçivəsində dünyanın ilk şəffaf Micro-LED displeyini təqdim edib. Hazırda şəffaf Micro-LED displeylərin qiyməti, eləcə də bu texnologiyanın istehlakçı cihazlarında görünmə vaxtı ilə bağlı heç bir məlumat yoxdur. Buna baxmayaraq, “Samsung” bir-birindən fərqli dizayna malik üç şəffaf Micro-LED displey nümayiş etdirib.

scale 1200

Şəffaf Micro-LED displeylərinin izləyicilərə göstərdiyi təsiri sözlə təsvir etmək çətindir, çünki görünən kontent az qala havada üzən holoqrama bənzəyir. Hər üç demo displey təxminən bir santimetr qalınlığa malikdir və bu, üzən ekranın illüziyasını artırır və Micro-LED panelinin yüksək piksel sıxlığı təsvirləri inanılmaz dərəcədə aydın edir.

“Samsung” sözçüsü xatırladıb ki, şəffaf Micro-LED displeylər şəffaf OLED panellərdən daha yüksək parlaqlığa malikdir, yəni ətrafdakı işıqdan daha az təsirlənir. Bununla belə, “Samsung”un artıq satışa çıxardığı təxminən 150 000 dollara başa gələn Micro-LED televizorlarının qiymətini nəzərə alsaq, şəffaf Micro-LED displeylərin istehlak bazarına çıxmasına qədər çox vaxt keçəcəyi aydındır.

Son xəbərlər
 ⁠
Digər xəbərlər