“Samsung” “Perplexity” şirkəti ilə tərəfdaşlıq etdiyini açıqlayıb. Şirkətin məlumatına görə, istifadəçilər sistemlə “Hey Plex” ifadəsi vasitəsilə əlaqə qura biləcəklər — bunun üçün müvafiq funksiyanı ayarlarda aktivləşdirmək lazım olacaq.
“Perplexity AI” “Galaxy AI” sisteminə inteqrasiya edilən ilk süni intellekt şirkətlərindən biri olacaq. “Perplexity”nin alqoritmləri “Samsung”un bəzi tətbiqlərinə, o cümlədən “Qeydlər”, “Saat”, “Qalereya”, “Təqvim” və “Xatırlatmalar”a daxil ediləcək. Şirkət digər təfərrüatları açıqlamayıb.
“Samsung”un “Perplexity” axtarış sistemini Galaxy S26 smartfonlarına inteqrasiya etməsi ilə bağlı danışıqlar apardığı barədə 2025-ci ilin iyununda “Bloomberg” məlumat yaymışdı. Nəşrin məlumatına görə, “Perplexity” Galaxy S26 xəttində köməkçilərdən biri olacaq və eyni zamanda “Bixby” səsli köməkçisinin tərkib hissəsinə çevriləcək.
