Seul şəhərində baş tutan, Apple və Samsung şirkətlərinin patent mübahisəsini nəzərdən keçirən məhkəmə Samsung şirkətinin iddialarını rədd etmişdir. Cənubi Koreya şirkəti rəqibinin onun üç patentini pozduğunu sübut etməyə çalışırdı. Bununla yanaşı Samsung şirkəti respublikada iPhone 4S, iPhone 5 və iPad2 modellərinin satışına qadağa qoyulmasını və həmçinin 100 milyon von (95 min dollar) həcmində təzminat almağa ümid edirdi.
Lakin hakim Şim Vu En bildirmişdir ki, Apple şirkəti Samsung şirkətinin intellektual mülkiyyətini pozmuş sayılmır, çünki Cənubi Koreya şirkətinin patentləri o qədər də inqilabi səviyyədə deyil.
