®Elektronika sahəsindəki uğurlarına görə qlobal texnologiya lideri kimi tanınan “Samsung” yaxın günlərdə paytaxtın tam mərkəzində, Xaqani bağının (Molokan bağı) yanında rəsmi mağazasının təntənəli açılışını edib.
Brendin ən son innovativ texnoloji məhsullarının sərgiləndiyi mağazanın açılışında “Samsung” şirkətinin Qafqaz üzrə baş direktoru Min Hwang, şirkətin ölkə üzrə tərəfdaşları, media nümayəndələri, influenserlər və digər “Samsung” həvəskarları iştirak edib. Açılış tədbirində mağazanın ilk ziyarətçilərini əyləncəli musiqi-rəqs proqramı, müxtəlif hədiyyəli müsabiqələr, dadlı furşet və açılışa özəl xüsusi təkliflər gözləyirdi. Müsabiqə qalibləri “Samsung”dan “Galaxy Z Flip 4”smartfonu, “Galaxy Watch 5 Pro” ağıllı saatı, “Galaxy Buds 2 Pro” qulaqlıqları kimi dəyərli qadcetlər qazanıblar.
İNNOVATİV HƏLLƏR TƏK ÜNVANDA:
Müasir dizaynlı, 2 mərtəbəli “Samsung” mağazasının birinci mərtəbəsində ziyarətçiləri smartfon, televizor, monitor və məişət texnikasının geniş və fərqli çeşidi qarşılayır. Mənfi birinci mərtəbədə isə rəsmi texniki servis xidməti fəaliyyət göstərir. Burada müştərilər üçün həmçinin daxili hissəvi alış şərtləri ilə məhsul əldə etmək imkanı yaradılıb.
Qeyd edək ki, açılış münasibətilə mağazada xüsusi şərtlər də keçərlidir. Odur ki, innovativ texnologiya ilə yaxından tanış olmaq və sərfəli imkanlardan faydalana bilmək üçün “Samsung” rəsmi mağazasına üz tutun.
Ünvan: Üzeyir Hacıbəyov küç. 2A, Xaqanı bağının (Molokan bağı) yanı.
Qeyd edək ki, “Samsung” artıq 16 ildir ki, ölkəmizdə fəaliyyət göstərir. Şirkət bu illər ərzində istehlakçıların istək və maraqlarını üstün tutaraq, onlar üçün ən lazımlı və faydalı innovativ həlləri təqdim etmişdir.
