1 C
Baku
Thursday, February 29, 2024

“Samsung” yeni Z Fold5 və Z Flip5 flaqmanlarını təqdim edib – Qiymətlər

“Samsung” şirkəti “Samsung Galaxy Unpacked” onlayn tədbiri çərçivəsində qatlanan smartfonların yeni nəslini, Galaxy Z Fold5 və Galaxy Z Flip5-i təqdim edib, Banker.az bu barədə Kommersant-a istinadən xəbər verir. Yeni məhsulların satışı avqustun 11-də baş tutacaq, Galaxy Z Fold5-in qiyməti 1.8 min dollardan, Galaxy Z Flip5-in qiyməti isə 1 min dollardan başlayacaq.

Z Fold5 modeli 6.2 düymlük xarici və 7.6 düymlük daxili ekran, Snapdragon 8 Gen 2 prosessoru, 12 Gb operativ və 256/512/1 Tb daxili yaddaş, sürətli yükləmə funksiyasını dəstəkləyən 4400 mAh tutumlu akkumulyator və eSIM texnologiyasını alıb.

Daha kompakt olan Z Flip5 modeli isə 3.4 düymlük xarici və 6.7 düymlük əsas ekran, Snapdragon 8 Gen 2 prosessoru, 8 Gb operativ və 256/512 Gb daxili yaddaş, sürətli yükləmə funksiyasını dəstəkləyən 3700 mAh tutumlu akkumulyator ilə təchiz edilib.

Hər iki smartfon qatlama funksiyasını nəzərə alaraq təkmilləşdirilmiş Android əməliyyat sisteminin yenilənmiş versiyasını əldə edib.

Son xəbərlər
Digər xəbərlər