Həmkarlar ittifaqının rəhbəri Choi Seung Ho şirkət zavodlarının fəaliyyətinin dayanması ilə bağlı ictimaiyyətdən üzr istəyib. Tətil etməyi planlaşdıran 48 min əməkdaşın əksəriyyəti konqlomeratın mikrosxem istehsalı bölmələrində çalışır. O bildirib ki, “Samsung” rəhbərliyi ilə razılıq əldə etmək cəhdləri tətil dövründə də davam edəcək.
Ekspertlər qeyd edirlər ki, “Samsung”dakı vəziyyət “ümumilikdə Cənubi Koreya iqtisadiyyatının sağlamlığı üçün təhlükə yaradır və qlobal yarımkeçirici tədarükünü azaldır”. “Samsung” Cənubi Koreya ixracının təxminən dörddəbirini təmin edir və dünyada yaddaş mikrosxemlərinin ən böyük istehsalçısı hesab olunur. İstehsaldakı fasilələr süni intellektin inkişafı fonunda yaranan çatışmazlıq şəraitində qiymət artımını daha da sürətləndirə bilər.
