Gəmi izləmə saytı Marine Traffic göstərir ki, 140 metrlik Solaris yaxtası Bodrum yarımadası ətrafında təxminən 50 kilometr dövrə vurduqdan sonra Yalıkavak yaxınlığında dayanıb.
Banker.az bu barədə Türkiyə mətbuatına istinadən xəbər verir.
26 metr enində olan yaxtanın helikopter meydançası və hovuzu da var.
Solaris ötən həftələrdə Türkiyənin cənub-qərbində dayanan, Abramoviçə məxsus, təxmini dəyəri $1.2 mlrd. olan iki super yaxtadan biridir. Bildirilir ki, Abramoviç və bir çox rus oliqarxları başqa ölkələrdə tətbiq olunan sanksiyalara görə Türkiyəyə sərmayə qoymaq istəyirlər.
