Səudiyyə Ərəbistanının dövlət neft şirkəti “Saudi Aramco” hökumətin iqtisadi islahatlar üçün vəsait toplamaq planının bir hissəsi olaraq səhmlərini bazara çıxarıb. İnvestorlara hər səhm üçün 26.7-29 Səudiyyə riyalı (7.1-7.73 dollar) qiymət intervalında 1.545 milyard səhm təklif edilib ki, bu da “Saudi Aramco”nun ümumi nizamnamə kapitalının 0.64%-ni təşkil edir.
“Bloomberg” və ərəb mediasının məlumatına görə, səhmlər ticarətin ilk saatlarında qiymət dəhlizinin yuxarı həddində satılıb və şirkətə 11.94 milyard dollar qazanmağa imkan verib. “Saudi Aramco” 2019-cu ildə də ilkin kütləvi təklif həyata keçirib. Ümumilikdə şirkət 29.4 milyard dollarlıq səhm satıb.
Hazırda şirkətin 82%-i birbaşa hökumətə, 16%-i isə dövlət investisiya fonduna məxsusdur. “Saudi Aramco”nun bazar kapitallaşması təxminən 1.8 trilyon dollardır.
Hökumət səhmlərin yerləşdirilməsindən əldə olunan gəliri texnologiyaların, o cümlədən süni intellekt, idman, turizm və Neom adlı “gələcəyin şəhəri” layihəsinə xərcləyəcək. Qeyd edək ki, Neom şəhərinin tikinti xərcləri daha əvvəl 1.5 trilyon dollardan 500 milyard dollara endirilib.
