Cənubi Koreya öz silahlı qüvvələrini gələcək hərbi münaqişələrə hazır vəziyyətə gətirmək və “ağılı” standatlara çatdırmaq üçün əlavə vəsait ayıracaq.
RİA Novosti-nin istinadən xəbərinə görə, bu barədə Koreya Respublikasının Prezidenti Li Çje Men bildirib.
Li Çje Menin sözlərinə görə, müdafiə büdcəsinin artırılması ordunu gələcək müharibələrə hazır şəkildə formalaşdırmağa imkan verəcək. O qeyd edib ki, Seulun regional təhlükəsizlikdəki rolunu genişləndirmək üçün ABŞ Prezidenti Donald Trampla razılığa gəlib.
Cənubi Koreya lideri ayrıca vurğulayıb ki, Vaşinqtonla birgə iş Koreya yarımadasının nüvəsizləşdirilməsinə (denuklearizasiya) yönəldiləcək.
