14 C
Baku
Friday, May 24, 2024

“Shell”in rəhbəri: “Neft və qaz hasilatını azaltmaq təhlükəli və məsuliyyətsiz addımdır”

“Shell”in baş direktoru Vael Savan “BBC”yə müsahibəsində ekoloqların tənqidlərinə baxmayaraq, şirkətin niyə neft və qaz hasilatını hələlik azaltmayacağını izah edib, Banker.az bu barədə Kommersant-a istinadən xəbər verir.

Top-menecerin fikrincə, dünya hələ də neft və qaza “çox ehtiyac duyur”, çünki bərpa olunan mənbələrə keçid bizim istədiyimiz qədər sürətlə getmir. Ona görə də indi neft və qaz hasilatını azaltmaq sadəcə olaraq “təhlükəli və məsuliyyətsiz” olardı.

Cənab Savan xəbərdarlıq edib ki, Çindən artan tələb və Avropada soyuq qış yanacaq qiymətlərində yeni artımlara səbəb ola bilər. O, həmçinin BMT-nin Baş Katibi Antonio Quterreşin neft və qaz hasilatına yeni sərmayələrin “iqtisadi və mənəvi çılğınlıq” olduğuna dair son açıqlamaları ilə razılaşmır. “Mən bununla qətiyyən razılaşmıram. Neft və qaz hasilatını azaltmaq son dərəcə məsuliyyətsizlik olardı, çünki bu, keçən il müşahidə etdiyimiz yanacaq xərclərinin artmasına səbəb ola bilər”, – deyə “Shell”in rəhbəri bildirib.

Cənab Savan deyib ki, qiymətlərin artması və inkişaf etmiş ölkələrin yüksək enerji tələbatı səbəbindən Pakistan və Banqladeş kimi ölkələr özlərini mayeləşdirilmiş təbii qazla (LNG) təmin edə bilmirlər.

Son xəbərlər
 ⁠
Digər xəbərlər