“Sierra” adlı süni intellekt (AI) startapı 350 milyon dollar cəlb edib. Nəticədə, şirkətin dəyəri 10 milyard dolları keçib.
Startapın qiymətləndirilməsi ötən ilin oktyabrında keçirilən əvvəlki maliyyələşmə raundu ilə müqayisədə iki dəfədən çox artıb, CNBC yazır.
Cəlb olunan vəsait şirkət tərəfindən platformanın inkişafına və həm ABŞ, həm də beynəlxalq bazarlarda mövcudluğunu genişləndirməyə yönəldiləcək.
“Sierra” 2023-cü ildə yaradılıb. Şirkət müştərilər adından müxtəlif tapşırıqları yerinə yetirə bilən süni intellekt agentlərinin hazırlanması və tətbiqi üzrə ixtisaslaşıb. Startapın məlumatına görə, onun agentlərindən artıq yüz milyonlarla insan müxtəlif məqsədlər üçün – yemək sifarişindən və çatdırılma təşkilindən tutmuş ipoteka refinanslaşdırılması və texniki dəstəyə qədər – istifadə edir.
