2022-ci ilin 7 ayı ərzində 123 qadın sahibkara 4.9 milyon manat güzəştli kredit verilib. Sahibkarlığın İnkişafı Fondundan Banker.az-a verilən məlumata görə, ötən ilin müvafiq dövründə bu göstərici 61 qadın sahibkar üzrə 4.5 milyon manat təşkil edib.
Fondun məlumatına əsasən, bu ilin yanvar-iyul ayları ərzində gənc sahibkarların 59 layihəsi maliyyələşdirilib və bu məqsədlə 5.2 milyon manat vəsait ayrılıb. 2021-ci ilin müvafiq dövründə isə 34 gənc sahibkar 1.1 milyon manat güzəştli kredit əldə edib.
