SİF kapital bazarına 200 milyon manat pul qoyacaq

İqtisadiyyat Nazirliyinin Sahibkarlığın İnkişafı Fondu qiymətli kağızlar bazarında əməliyyatlarla bağlı müştəri sifarişlərinin qəbulu və icrası üzrə açıq tender elan edib.

Tenderdə iştirak haqqı 120 manatdır.

İddiaçılar ilkin sənədləri iyulun 9-u, saat 15:00-a qədər, tender təklifi və onun dəyərinin 1%-i qədər bank təminatını isə iyulun 19-u, saat 15:00-a qədər dövlət satınalmalarının vahid internet Portalı vasitəsi ilə təqdim edə bilərlər. Telefon: (012) 310-23-02.

Tenderin nəticəsi iyulun 22-də, saat 15:00-da Portalda açıqlanacaq. Qalib investisiya şirkəti Fonda 3 il müddətində xidmət göstərəcək. Bu müddətdə Fond 200 milyon manat məbləğində sərbəst vəsaitini kapital bazarına yönəldərək repo əməliyyatlarından gəlir əldə etməyi planlaşdırır.


Kredit müraciəti

Sizin müraciətiniz banka göndərildi.