Sığorta və təkrarsığorta brokeri “Kaspian İnterneşnl Brouking” MMC (Caspian International Broking – CİB) 2024-cü ili 1 milyon 820 min manat xalis mənfəət ilə başa vurub. Şirkət 2023-cü ili 1 milyon 776 min manat xalis mənfəətlə başa vurub ki, bu da illik müqayisədə 2.5% çoxdur.
Banker.az bu barədə şirkətin maliyyə hesabatına istinadən xəbər verir.
Ötən il “Kaspian İnterneşnl Brouking” MMC-nin cəmi gəlirləri 2 milyon 790 min manat, cəmi xərcləri isə 481 min manat olub. 2023-cü ildə isə “Kaspian İnterneşnl Brouking” MMC-nin cəmi gəlirləri 2 milyon 655 min manat, cəmi xərcləri 426 min manat təşkil edib.
Hesabat dövründə şirkətin cəmi aktivləri 2 milyon 760 min manat olub ki, bu da ilin əvvəli ilə müqayisədə 10% çoxdur. MMC-nin cəmi kapitalı 257 min manatdan 2 milyon 78 min manata çatıb, cəmi öhdəlikləri isə 2 milyon 253 min manatdan 682 min manata düşüb.
