Ləğvetmə prosesində olan ASC “Standard Insurance” sığorta şirkətinin əsas vəsait və əmlakının bir hissəsinin hərrac yolu ilə satışı həyata keçirilib.
Banker.az bu barədə sığorta şirkətinin ləğvetmə komissiyasına istinadən xəbər verir.
Məhkəmənin müflis olma ilə əlaqədar 14 sentyabr 2020-ci il tarixində vermiş olduğu qərarın qüvvəyə mindiyi gündən etibarən sığorta şirkətinin balansında olan 11 (on bir) ədəd avtomobil və bir sıra digər avadanlıqlar hərrac yolu ilə satılmışdır. Satılmış avadanlıqlar və avtomobillərdən ümumilikdə 130743 (yüz otuz min yeddiyüz qırx üç) manat vəsait əldə olunmuşdur.
Hərrac yolu ilə artıq satışı həyata keçirilən avtomobillər barədə ətraflı məlumat aşağıdakı cədvəldə təqdim olunmuşdur:
| № | Marka | Model | Buraxılış ili | Dövlət nömrə nişanı | Satış qiyməti | Hərracın tarixi |
| 1 | HYUNDAI | TUCSON | 2009 | 90AH799 | 7,600 | 27.11.2020 |
| 2 | HYUNDAI | SONATA | 2014 | 99PE615 | 15,675 | 27.11.2020 |
| 3 | CHEVROLET | AVEO | 2012 | 90PG490 | 4,750 | 27.11.2020 |
| 4 | HYUNDAI | ACCENT | 2012 | 10PJ964 | 12,400 | 11.01.2021 |
| 5 | VAZ21214 | NİVA | 2012 | 90PV348 | 5,630 | 11.01.2021 |
| 6 | HYUNDAI | ACCENT | 2012 | 90PB859 | 9,975 | 30.11.2020 |
| 7 | HYUNDAİ | SONATA | 2011 | 10PX615 | 13,350 | 01.12.2020 |
| 8 | HYUNDAİ | TUCSON | 2008 | 90AK799 | 11,994 | 19.02.2021 |
| 9 | KIA | CERATO | 2011 | 99PB461 | 13,433 | 19.02.2021 |
| 10 | HYUNDAI | ACCENT | 2012 | 10PJ966 | 11,034 | 19.02.2021 |
| 11 | HYUNDAI | IX35 | 2008 | 10PK931 | 19,190 | 19.02.2021 |
| Cəmi yekunda | 125 031 | |||||
Şirkətinin əsas vəsait və əmlakının bir hissəsinin hərrac yolu ilə satışı “Bakı Hərrac Mərkəzi” MMC və “Xəzəryanı İxtisaslaşdırılmış Hərrac Mərkəzi” MMC tərəfindən həyata keçirilmişdir.
Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcəkdir və bu barədə ictimaiyyətə əvvəlcədən məlumat veriləcəkdir.
Qeyd edək ki, Azərbaycan Respublikası Mərkəzi Bankı İdarə Heyətinin 2020-ci il 19 may tarixli müvafiq qərarı ilə şirkətin sığorta fəaliyyəti üzrə lisenziyası ləğv edilmiş və məhkəmənin müflis olma ilə əlaqədar vermiş olduğu qərar 14 sentyabr 2020-ci il tarixdə qüvvəyə minmişdir.
