Müstəqilliyi yalnız Türkiyə tərəfindən tanınan Şimali Kipr Türk Respublikasında (KKTC) istehlak qiymətləri sentyabr ayında əvvəlki ilin eyni dövrü ilə müqayisədə 120.32% artıb.
Banker.az xəbər verir ki, KKTC Statistika Təşkilatından verilən açıqlamaya görə, sentyabr ayında istehlak qiymətləri aylıq müqayisədə 3.08%, bir əvvəlki ilin eyni dövrü ilə müqayisədə isə 120.32 artıb.
Əsas xərc qrupları üzrə isə əvvəlki ayla müqayisədə ən yüksək artım 40,17 faizlə əsas təhsil qrupunda baş verib.
KKTC-nin iqtisadiyyatının əsasını xidmət sektoru təşkil edir, onun payı 70% ətrafındadır. KKTC-də işlənən valyuta isə lirədir.
Qeyd edək ki, Türkiyədə inflyasiya artıq bir neçə aydır ki, 80%-in üzərinə çıxıb.
