İqtisadi İslahatların Təhlili və Kommunikasiya Mərkəzi “İxrac icmalı”nın iyul sayında, qeyri-neft sektoru üzrə 2023-cü ilin yanvar-iyun ayında həyata keçirilən ixracla bağlı qeyri-dövlət (özəl) ixracatçı subyektlərin reytinqi də yer alır.
Banker.az xəbər verir ki, qeyri-neft məhsullarının ilk 10 özəl ixracatçısı siyahısında fiziki şəxs Şirinov Elvin Valeh oğlu da yer alır.
Fiziki şəxs Şirinov Elvin Valeh oğlu 52.5 milyon dollarlıq ixracı ilə 2023-cü ilin yanvar-iyun aylarında qeyri-neft sektoru üzrə özəl ixracatçı subyektlərin reytinqində 2-ci yeri tutub.
2022-ci ilin eyni dövründə isə ixracı 13.2 milyon dollar təşkil etmişdir ki, bu da illik müqayisədə ixracın 3.9 dəfə artması deməkdir.
Bu ilin yanvar-may ayında isə reytinqdə 6-cı yeri tutmaqla ixracı 22.2 milyon dollar olub.
Elvin Şirinovun pomidor ixracı ilə məşğul olduğu bildirilir.
