Azərbaycan Respublikasının Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi ölkə üzrə bir sıra təhsil müəssisələrində kommunal-kommunikasiya və təmir işlərinin aparılması ilə bağlı tenderin nəticəsini açıqlayıb.
Banker.az xəbər verir ki, qalib şirkət “BakıMexanizasiyaNəqliyyat” ASC olub. Layihənin ümumi dəyəri 8,1 milyon manatdan çox təşkil edir.
Tenderin dərc tarixi 5 avqust 2025-ci il göstərilib, zərflərin açılışı isə 14 avqust tarixində keçirilib.
