Azərbaycan Respublikası Dövlət Neft Şirkətində (SOCAR) yeni təyinat baş tutub.
Banker.az xəbər verir ki, Şöhrət İsa-zadə SOCAR-ın İnterqrasiya edilmiş planlaşdırma və kommersiya optimallaşdırması departamentinin rəis müavini vəzifəsinə təyin olunub.
İsa-zadə Şöhrət 1990-cı ildə anadan olub. Azərbaycan Dövlət Neft və Sənaye Universitetində İstehsalat və xidmət sahələrinin iqtisadiyyatı və idarəedilməsi ixtisası üzrə bakalavriat, Sənayenin təşkili və idarə olunması ixtisası üzrə magistratura təhsili alıb. Hər iki təhsilini fərqlənmə ilə bitirib.
