Azərbaycan Dövlət Neft Şirkətinin (SOCAR) Türkiyədəki STAR neft emalı zavodunun məhsullarının idxalçıları arasında ilk beşlikdə Yunanıstan, Liviya, İtaliya, Belçika və Niderland qərarlaşıb.
Banker.az bu barədə SOCAR-a istinadən xəbər verir.
SOCAR-dan verilən məlumata görə, STAR-ın 2021-ci ildə gəliri 2020-ci illə müqayisədə 44% artaraq $6.14 mlrd. təşkil edib. bu məbləğin 64%-i daxili bazarın, 36%-i ixracın payına düşüb.
STAR neft emalı zavodunun Türkiyənin dizel yanacağı, reaktiv yanacaq və mayeləşdirilmiş neft qazı bazarında payı müvafiq olaraq 17.5, 12.6 və 5.1% təşkil edir.
