20 sentyabr – 10 oktyabr tarixlərində satışa çıxarılan SOCAR İstiqrazları üçün verilən sifarişlərin 90%-dən çoxu vətəndaşlara aid olub. Bunu SOCAR prezidenti Rövnəq Abdullayev deyib.
Onun sözlərinə görə, 2021-ci ilədək SOCAR bazarda daim tənzimləyici və alıcı qismində iştirak edərək, buraxılan istiqrazları satmaq istəyən investorlardan nominal qiymətdən – 1000 dollardan alacaq: “Bu istiqrazları alan hər bir investor istədiyi vaxt sahibi olduğu istiqrazları sata bilər. Hətta bu gün də istiqrazları sata bilərlər. Bu halda bir günün faizləri belə istiqraz sahiblərinə ödəniləcək”.
APA
