SOCAR: Maye karbohidrogenlərin defisiti və bahalaşması gözlənilir

Neft qiymətlərini şərtləndirən əsas faktorlar maye karbohidrogenlərin istehlakı və istehsalı ən azı cari səviyyədə saxlamaq üçün lazım olan investisiya həcmləridir.

Bu barədə SOCAR-ın Rusiyadakı törəmə “SOCAR-Rus” şirkətinin baş direktoru Fərid Cəfərov Sankt-Peterburq Beynəlxalq İqtisadi Forumunda (PMEF-2021) NEWS.ru-ya müsahibəsində deyib.

“Enerji istehlakının payına düşən maye karbohidrogenlərin istehlakının xüsusi çəkisi azalacaq. Lakin eyni zamanda, istehsal səviyyəsini ən azı indiki səviyyədə saxlamaq üçün tələb olunan investisiya həcmi şirkətlər tərəfindən yerinə yetirilmir. Gələcəkdə “yaşıl” təşəbbüslər və hasilat sənayesi üçün maliyyə mənbələrinin təminatındakı məhdudiyyətlər daha az investisiya qoyuluşu probleminə səbəb olacaq ki, bu da maye karbohidrogenlərin defisitinə və bahalaşmasına gətirib çıxara bilər”, – deyə F. Cəfərov bildirib.


Kredit müraciəti

Sizin müraciətiniz banka göndərildi.