“SOCAR Polymer” MMC bu ilin yanvar-aprel aylarında 67.2 milyon ABŞ dolları dəyərində məhsul ixrac edib.
Banker.az bu barədə İqtisadi İslahatların Təhlili və Kommunikasiya Mərkəzinin “İxrac İcmalı”na istinadən bildirir ki, bu, ötən ilin yanvar-aprel ayları ilə müqayisədə 25.7 milyon ABŞ dolları ( 61.9% ) çoxdur.
Ötən ilin yanvar-aprel ayları ərzində isə “SOCAR Polymer” MMC xarici ölkələrə 41.5 milyon ABŞ dolları dəyərində məhsul ixrac edib
Qeyd edək ki, polipropilen “SOCAR Polymer”in Polipropilen Zavodunda istehsal edilir. Zavodda 2018-ci il oktyabrın 5-dən polipropilenin ixracına başlanılıb.
