Somali Federal Parlamenti Baş nazir Həmzə Abdi Barrenin beş gün əvvəl təqdim etdiyi Nazirlər Kabinetini təsdiqləyib.
Bu barədə Somalinin “Garowe” xəbər portalı məlumat yayıb.
Xalq Palatasının (parlamentin aşağı palatası- Red) 229 deputatı kabinetin lehinə, 7 deputat əleyhinə, 1 deputat isə bitərəf qalıb. İyunun 15-də Somali Prezidenti Həsən Şeyx Məhəmməd tərəfindən baş nazir təyin edilən 50 yaşlı Barre üçün hazırkı hökumət bir ilkdir.
Qeyd edək ki, Somalinin Nazirlər Kabinetinə 26 üzv daxildir.
