“Standard & Poor’s” Beynəlxalq Reytinq Agentliyi “Kapital Bank”ın reytinqini yenidən nəzərdən keçirib.
Banker.az reytinq agentliyinə istinadən xəbər verir ki, emitentin uzunmüddətli və qısamüddətli kredit reytinqi “BB-/B” səviyyəsində təsdiqlənib. Reytinq üzrə proqnozu isə “stabil”dən “pozitiv”ə dəyişib.
Məlumata əsasən, əgər bankın kreditlər üzrə bazar payı artarsa, davamlı gəlir və mənfəət artımı təmin olunarsa, kapital dayanıqlığı və aktivlərinin keyfiyyəti yaxşılaşsa, növbəti 12 ay ərzində bankın reytinqi artırıla bilər.
