“S&P” reytinq agentliyi 2024-cü ilin ortalarına qədər borcun restrukturizasiya planı ilə bağlı narahatlıqlar səbəbindən Ukraynanın uzunmüddətli suveren xarici valyutada reytinqini “CCC+”dan “CCC”ə endirib.
Banker.az bu barədə RBC-ya istinadən xəbər verir.
Agentlik Ukraynada hərbi əməliyyatların perspektivlərinin qeyri-müəyyənliyini qeyd edərək, ölkə hakimiyyətinin xarici valyutada deyil, qrivna ilə öhdəlikləri yerinə yetirmək qabiliyyətinə malik olduğuna işarə edib.
Martın sonunda Beynəlxalq Valyuta Fondu (BVF) Ukraynaya 4 illik 15.6 milyard dollarlıq krediti təsdiqləyib ki, bu da Rusiya hərbi əməliyyatlarının başlamasından bəri ən böyük kreditdir.
Kredit fond tərəfindən ilk dəfə olaraq hərbi əməliyyatlarda iştirak edən ölkəyə ayrılıb, təşkilat xüsusi olaraq bunun üçün öz qaydalarını dəyişib. Yeni qaydalara əsasən, təcili kreditləşmə “fövqəladə yüksək qeyri-müəyyənlik vəziyyətlərində” və “ölkə hakimiyyətinin nəzarətindən və iqtisadi siyasətinin əhatə dairəsindən kənarda olan və ekzogen şoklarla əlaqəli vəziyyətlərdə mümkündür”.
