İlon Maskın “SpaceX” şirkəti işçilərdən və ilkin investorlardan səhmləri almaq üçün növbəti tender hazırlayır. “Bloomberg”in məlumatına görə, hər səhmin qiyməti 212 dollar təşkil edəcək, startapın dəyəri isə təxminən 400 milyard dollar olacaq. Yeni qiymət 2024-cü ilin dekabrında əvvəlki raundda qeydə alınan 185 dollardan xeyli yüksəkdir.
Kotirovkaların artması “SpaceX”in dünyanın ən dəyərli özəl şirkəti statusunu möhkəmləndirir və investorların “Falcon” raketlərinin, “Starship” kosmik gəmisinin və “Starlink” peyk şəbəkəsinin kommersiya potensialına inamını əks etdirir. Nəşrin mənbələri bildirirlər ki, sövdələşmə işçilərə və ilk səhmdarlara mənfəəti qismən təmin etməyə imkan verəcək, eyni zamanda şirkət yeni vəsait cəlb etməyəcək.
“SpaceX”in rəsmi nümayəndəsi qarşıdan gələn əməliyyatın şərtlərini şərh etməkdən imtina edib.
