“Falcon 9” daşıyıcı raketi “Starlink” sisteminin qlobal internet əhatə şəbəkəsinin orbital qrupunu artırmaq üçün 48 mini peykdən ibarət daha bir partiyanı uğurla orbitə çıxarıb.
Bu barədə “SpaceX” şirkəti xəbər verib.
“48 “Starlink” peykinin orbitə çıxarılması təsdiqlənib”, – deyə bildirilib.
Buraxılış cümə günü ABŞ Kosmik Qüvvələrinin Kaliforniyadakı Vandenberq bazasında “SLC-4E” buraxılış meydançasından həyata keçirilib.
