Süni intellekt (AI) startapları 2023-cü ildə rekord 27 milyard dollar vəsait cəlb edib, bu barədə “Financial Times” yazır. Xatırladaq ki, əvvəlki rekord 2021-ci ildə qeydə alınıb və 11 milyard dollar təşkil edib.
“PitchBook”a görə, bu ilin ümumi investisiya məbləğinin təxminən üçdə ikisi “Microsoft”, “Google” və “Amazon”un payına düşür. Xüsusilə, birinci “ChatGPT” çat-botunun yaradıcısı “OpenAI”ya 10 milyard dollar sərmayə qoyub, ikinci və üçüncü isə “Anthropic” startapına 6 milyard dollara qədər sərmayə qoymağı vəd edib.
“FT”yə görə, startaplar texnologiya sektorunda böyük şirkətlərlə əməkdaşlığa üstünlük verirlər, çünki onlar təkcə maliyyələşdirməni deyil, həm də bulud infrastrukturu və süni intellekt alətlərinin yaradılması və öyrədilməsi üçün lazım olan ən güclü çiplərə çıxışı təmin edirlər.
Eyni zamanda, bəzi fondlar öz məhsullarını qurduqları “OpenAI” və “Anthropic”in təməl modelləri əsasında yaradılmış proqram tərtibatçılarına investisiya qoymağa çalışırlar.
