Azərbaycanda yeni nəsil texnologiyaların (süni intellekt, robot texnologiyalarının və s.) iqtisadiyyatda tətbiqi imkanlarının müəyyən edilməsi, habelə elektronlaşdırma və adaptasiya üzrə yol xəritəsi hazırlanacaq.
Bu məsələ “Azərbaycan Respublikasında rəqəmsal iqtisadiyyatın inkişafına dair 2026–2029-cu illər üçün Strategiyası“nda öz əksini tapıb.
Sənədə əsasən, iqtisadiyatın 2 sahəsində yeni nəsil texnologiyaların tətbiqi imkanlarının araşdırılması və müvafiq yol xəritəsinin hazırlanması, hazırlanmış yol xəritəsi əsasında 4 pilot layihənin həyata keçirilməsi, iqtisadiyyatın yeni nəsil texnologiyalar tətbiq edildiyi sahələrində əməliyyat səmərəliliyinin azı 5−10 faiz artması planlaşdırılır.
