İsveçrədə silahlı şəxs İsrailin “United Mizrahi” bankına soxulub
Dünya İsveçrənin Sürix şəhərində İsrailin “United Mizrahi” bankına silahlı kişi girib. Bankın bir neçə işçisi tələsik qaçmağa nail olub.
Cinayətkar içəridə özü üçün barrikada qurub. Neçə girovun olması barədə informasiya dəqiqləşdirilir.
İsveçrə polisi bildirib ki, bu, soyğunçuluğa cəhddir. Silahlı cinayətkar bankın 4-cü mərtəbəsinə çıxaraq pul tələb edib. O, iki tapança ilə silahlanıb. Bina polis tərəfindən mühasirəyə alınıb. Gülləkeçirməz jiletlər geyinən xüsusi təyinatlı dəstənin 20 əməkdaşı artıq binaya daxil olub.
Polisin genişmiqyaslı əməliyyatı Milad bayramı ərəfəsində ənənəvi canlanmanın müşahidə olunduğu şəhərin mərkəzində təşviş yaradıb, nəqliyyatın hərəkəti pozulub, yollar bağlanıb.
ANS PRESS
