20 C
Baku
Sunday, May 26, 2024

Şuşa və Zabuxdakı məktəblər bu il istifadəyə veriləcək

Şuşada bu il məktəb istifadəyə veriləcək.

Bunu Füzulidə Mirzə Uluqbəy adına 1 nömrəli tam orta məktəbdə elm və təhsil naziri Emin Əmrullayev jurnalistlərə açıqlamasında bildirib. Nazir deyib ki, bu il tədris ilinin sonuna kimi Zabux qəsəbəsi də təhsilə qoşulacaq:

“Şuşa şəhərində yeni məktəbin istifadəyə verilməsi planlaşdırılır. Zabux qəsəbəsinin də 100-dən artıq şagirdlə bu tədris ilinin sonuna kimi təhsilə qoşulacağına inanırıq. Ağalı kəndində də məktəbimizin fəaliyyəti günü-gündən genişlənir. Ötən il orada cəmi 70-ə qədər şagird var idisə, artıq həmin məktəb də 120 şagirdlə təhsili davam etdirir. Eyni zamanda, Talış kəndində də məktəbimizdə təhsil davam edir. Şuşa şəhərində olan 1 saylı məktəbdə tədrisin ikinci yarım ildən təşkilini gözləyirik”.

Nazir həmçinin digər işğaldan azad olunmuş rayonlarda məktəbin tikintisi, təhsil infrastrukturunun yaradılması istiqamətində işlərin davam etdiyini deyib.

MənbəApa
Son xəbərlər
 ⁠
Digər xəbərlər