“Silicon Valley Bank” çökməsi səhm bazarlarını sarsıtması və yeni maliyyə böhranı ilə bağlı qorxuya səbəb olması səbəbindən çərşənbə axşamı neft qiymətləri 1 dollardan çox ucuzlaşıb və əvvəlki günkü enişi davam etdirib.
Banker.az xəbər verir ki, Brent markalı neftin fyuçersləri 87 sent və ya 1.1% ucuzlaşaraq barrel üçün 79.90 dollar olub. ABŞ-ın WTI nefti 85 sent və ya 1.1% azalaraq 73.93 dollar/barelə düşüb. Bazar ertəsi Brent nefti yanvarın əvvəlindən bəri ən aşağı səviyyəyə, WTI isə dekabrdan bəri ən aşağı səviyyəyə düşüb.
“SVB”nin qəfil müflis olması ABŞ-ın mərkəzi bank funksiyasında olan Federal Ehtiyat Sisteminin son bir ildəki kəskin faiz artımı nəticəsində digər banklar üçün də risklərlə bağlı narahatlıqlara səbəb oldu. Bu, həmçinin FED-un monetar sərtləşdirmə tempini yavaşlatıb-yavaşlatmayacağı ilə bağlı spekulyasiyalara təkan verdi.
SVB-nin uğursuzluğundan yaranan yoluxma qorxuları keçən həftənin sonunda ABŞ aktivlərinin satışına səbəb olduqda və dövlət tənzimləyiciləri Nyu-Yorkda yerləşən bank “Signature”ni bağladıqdan sonra ABŞ səlahiyyətliləri bazar günü bank sisteminə inamı gücləndirmək üçün təcili tədbirlərə başlayıblar.
SVB-nin şok dalğalarından başqa, Çində ciddi COVID-19 məhdudiyyətlərinin götürülməsinə baxmayaraq, gözləniləndən daha zəif iqtisadi bərpa əlamətləri səbəbindən neft qiymətləri də təzyiq altında saxlamaqdadır
Bazar əvvəllər Çin iqtisadiyyatının güclü bərpasını gözləyirdi, lakin son fevral inflyasiya səviyyəsi illik müqayisədə cəmi 1% təşkil edib ki, bu da Çin iqtisadiyyatının hazırkı deflyasiya vəziyyətini və zəif tələbi əks etdirməkdədir.
Ötən həftə dünyanın ikinci ən böyük iqtisadiyyatında (Çin) istehlakçı inflyasiyasının 2022-ci ilin sonunda pandemiya məhdudiyyətləri qaldırıldıqdan sonra belə alıcıların ehtiyatlı qaldığı üçün fevral ayında bir ilin ən aşağı tempinə düşdüyünü göstərən məlumatları açıqladı.
ABŞ-ın tədarük xəbərlərində, Amerika Neft İnstitutunun çərşənbə axşamı ABŞ neft ehtiyatlarına dair sənaye məlumatlarını açıqlayacağı gözlənilir.
İqtisadçılar konsensus olaraq orta hesabla, xam neft ehtiyatlarının martın 10-na qədər olan həftə ərzində təxminən 600,000 barel artacağını təxmin edir.
