Təqdimatdan sonra “Apple” ın kapitallaşması $1 trln keçib

Amerikanın “Apple” şirkətinin kapitallaşması 1 trilyon dolları ötüb keçib.

Banker.az xəbər verir ki, NASDAQ birjasından əldə olunan məlumata görə, şirkət 1,010 trilyon dollar dəyərində qiymətləndirilir.

Qeyd edildiyi kimi, artım 3,18% təşkil edib. Beləliklə, kapitallaşmaya görə “Apple” yalnız “Microsoft” dan geri qalır. Sonuncu 1,039 trilyon dollar dəyərində qiymətləndirilir.

Xatırladaq ki, sentyabrın 10-da “Apple” iPhone-un üç yeni modelini təqdim edib – iPhone 11, iPhone 11 Pro və iPhone 11 Pro Max. Bundan əlavə, şirkət yeddinci nəsil iPad, Apple Watch 5 və Apple Arcade oyun xidmətini təqdim edib.

Avqustun ortalarında kapitallaşmaya görə birinci yerdə “Microsoft”, ikinci yerdə “Apple”, üçüncü yerdə isə “Amazon” durur. Qeyd edək ki, 2019-cu ilin mart ayında “Apple” in kapitallaşması 896 milyard dollar təşkil edib.

 

 


Kredit müraciəti

Sizin müraciətiniz banka göndərildi.

24 saat işləyən filiallar 24 saat işləyən exchangelər Şənbə günü işləyən bank filialları