Orxan Məmmədov

Orxan Vidadi oğlu Məmmədov 1984-cü ildə Bakı şəhərində anadan olub.

2005-ci ildə Bakı Dövlət Universitetinin Beynəlxalq Münasibətlər fakültəsini bitirib.

2005-ci ildə Beynəlxalq biznes və maliyyə proqramı üzrə, Böyük Br

itaniya Regent Universitetində təhsil alıb.

2009-cu ildə Odlar Yurdu Universitetində Biznes administrasiyası üzrə magistr təhsili alıb.

2012-ci il Azərbaycan Dövlət İqtisad Universitetində Maliyyə və Kredit üzrə ikinci təhsilini bitirib.

Əmək fəaliyyətinə 2006-cı ildə Sənaye və Energetika Nazirliyində başlayıb.

2007-ci ilin mart ayından 2018-ci ilin fevral ayınadək İqtisadiyyat Nazirliyində müxtəlif vəzifələrdə, o cümlədən, Sahibkarlığın inkişafı siyasəti şöbəsində baş məsləhətçi, şöbə müdirinin müavini, Xarici iqtisadi əlaqələr şöbəsində şöbə müdirinin müavini, Dövlətlərarası iqtisadi əməkdaşlıq şöbəsində şöbə müdiri vəzifəsində çalışıb.

İqtisadiyyat Nazirliyində işlədiyi dövr ərzində müxtəlif ölkələrlə birgə yaradılmış hökumətlərarası komissiyaların 100-ə yaxın iclaslarında və müxtəlif işçi qruplarında təmsil olunmuş, bir sıra beynəlxalq əhəmiyyətli tədbirlərin təşkilində yaxından iştirak etmişdir.

27 fevral 2018-ci il tarixdən Azərbaycan Respublikası Kiçik və Orta Biznesin İnkişafı Agentliyinin İdarə Heyətinin sədri vəzifəsinə təyin edilmişdir.

Azərbaycan, ingilis, rus və türk dillərində sərbəst danışır.

Ailəlidir, üç övladı var.