Taylanda gələn əcnəbi vətəndaşlardan tutulmalı olan turist vergisinin tətbiqi bu tədbirin həyata keçirilməsində çətinliklərlə əlaqədar olaraq 2023-cü ilin iyunundan sentyabr ayına təxirə salınıb. Bu barədə Tailandın turizm və idman naziri Pipat Ratçakitprakan məlumat verib. Pattaya Mail qeyd edir ki, rüsumun tətbiqi üçün son tarix ideyanın ilk dəfə 2018-ci ildə müzakirə edildiyi vaxtdan bəri beşinci dəfə təxirə salınır.
Fevral ayında Tailand hökuməti 2023-cü il iyunun 1-dən turist vergisinin tətbiqi qərarını təsdiqləyib. Ölkəyə quru və su yolu ilə gələn əcnəbilərdən 150 bat (4.5 dollar), hava səyahətindən yararlananlardan isə 300 bat (9 dollar) alınacağı güman edilib.
Banker.az bu barədə Kommersant-a istinadən xəbər verir.
Tayland əvvəlcə 2022-ci ilin yanvarında rüsum tətbiq etməyi planlaşdırırdı, lakin sonradan tətbiqetmə dəfələrlə təxirə salınıb. Pipat Ratçakitprakanın sözlərinə görə, əldə olunan vəsaitin böyük hissəsi məbədlər və muzeylər kimi turizm obyektlərinin işinin yaxşılaşdırılmasına və təmirinə sərf olunacaq.
