Tanzaniya müxalifətinin lideri Tundu Lissu hökuməti sakinlərin iki həftədir görmədiyi ölkə prezidenti Con Maqufulinin olduğu yeri açıqlamağa çağırıb.
Bu barədə BBC bildirib.
Lissu deyib ki, prezidentin rifahı ictimaiyyəti narahat edən problemdir. Tanzaniya hökuməti mediaya Maqufulinin səhhəti ilə bağlı yoxlanılmamış məlumatları yaymamaqla bağlı xəbərdarlıq edib.
Keniyanın aparıcı qəzetlərindən biri isə bildirib ki, Afrika liderlərindən biri Con Maqufuli koronavirusa yoluxub və Nayrobi xəstəxanasındadır, ancaq bu informasiya rəsmən təsdiq edilməyib.
