Data and Politics analitiklərinin məlumatına görə, 2025-ci il aprelin 9-da, ABŞ prezidenti Donald Trampın 90 günlük tarif dayandırmasını elan etməsindən əvvəl, naməlum bir treyder SPY call opsionlarına 2,5 milyon dollarlıq investisiya edib. Bu treyder cəmi bir dəqiqə ərzində 70 milyon dollardan çox qazanc əldə edib və vəsaiti bir saatdan az müddətdə çıxarıb.
Əməliyyat Şərqi Avropa vaxtı ilə saat 13:01-də həyata keçirilib, Tramp isə saat 13:30-da tariflərin dayandırıldığını elan edib. Bu xəbərdən sonra bazar sürətlə yüksəlib və əvvəlcə 85 sent olan opsionların qiyməti 25 dollara çatıb.
Treyder, ABŞ-ın S&P 500 indeksini izləyən SPY ETF-ə bağlı call opsionları alıb. Bu opsionlar sahibinə SPY-ı hər birini 509 dollara almaq hüququ verirdi, halbuki əməliyyat zamanı SPY-ın qiyməti 500 dollardan aşağı idi və opsionlar həmin gün bitməli idi.
Eyni vaxtda SPY 504, 505, 507 və QQQ kontraktları ilə də oxşar əməliyyatlar aparılıb, bu da ümumi qazancın daha yüksək ola biləcəyini göstərir.
Saat 13:01-də SPY səhmlərinin ticarət həcmi kəskin artıb – bir dəqiqədə təxminən 2,75 milyon səhm alınıb. Əgər bu səhmlər bağlanış qiyməti olan 533,94 dollara satılsaydı, hər səhm üçün 36 dollardan çox qazanc əldə edilərək 60 saniyədə 100 milyon dollardan çox gəlir əldə edilə bilərdi.
Növbəti 15 dəqiqə ərzində treyderlər potensial olaraq 41 milyon səhmdən çoxunu sata və 1,5 milyard dollardan çox qazanc əldə edə bilərdilər.
Analitiklər bu uğurlu əməliyyatların insayder məlumatlarına əsaslandığını düşünürlər. Onlar bu vəziyyəti 2008-ci il iqtisadi böhranı ilə müqayisə edirlər, o zaman bazarlar qeyri-sabit olsa da, SPY ticarət həcmi dəyişmirdi və qiymətlər rəsmi elanlara qədər sabit qalırdı.
Aprelin 10-da Donald Tramp Çin mallarına idxal tariflərini 145%-ə qədər artırıb. Aprelin 11-də isə Çin Maliyyə Nazirliyi ABŞ mallarına tətbiq olunan tariflərin 84%-dən 125%-ə yüksəltdiyini elan etmişdi.
Bundan əvvəl, ABŞ administrasiyası smartfonlar, noutbuklar, çiplər, planşetlər, ağıllı saatlar, fitnes bilərzikləri, televizorlar və günəş panelləri üçün komponentlər kimi Çin məhsullarını tariflərdən azad etmişdi ki, amerikalılar elektronika məhsullarını kütləvi şəkildə almasınlar.
