Tarixdə ilk dəfə olaraq elektrik avtomobillərin satışları aşağı düşüb.
Banker.az xəbər verir ki, bu haqda “Sanford C. Bernstein” şirkəti məlumat verib.
Elektrik avtomobillərin satışları 14% düşərək 128 minə çatıb.
Bunun əsas səbəbi isə Çindir.
İyul ayında satılan avtomobillərin sayına görə birinci yerdə Amerikanın “Tesla Inc” (təxminən 20 min avtomobil), ikinci yerdə isə Çinin “BYD Co.” (təxminən 16 min) şirkəti durur. Üçüncü yeri Almaniyanın “BMW” (təxminən 9 min), dördüncü yeri isə Çinin “BAIC” şirkəti alıb.
Ümumilikdə elektrik avtomobillərin bazarında artım 35% təşkil edir.
“Gözləndiyi kimi, satışlar aşağı düşüb. Lakin buna baxmayaraq, gələcək proqnozlarımız pozitivdir”, – şirkətin hesabatında deyilir.
