15 C
Baku
Tuesday, April 16, 2024

Teleqram kanal sahibləri reklam gəlirlərini 50%-dək əldə edə biləcəklər

Teleqram kanallarının sahibləri 2024-cü ilin mart ayından etibarən reklam gəlirlərini 50 faizədək alacaqlar.

Bu barədə “Telegram”ın təsisçisi Pavel Durov bildirib.

O qeyd edib ki, pul köçürməsi TON blokçeyn vasitəsilə həyata keçiriləcək. Buna görə, teleqram kanallarının sahibləri “toncoin” – “Open Network”da istifadə olunan kriptovalyutada gəlir əldə edəcəklər.

“Mart ayında teleqram reklam platforması rəsmi olaraq 100-ə yaxın ölkədə bütün reklamçılar üçün açıq olacaq. Bu ölkələrdəki kanal sahibləri teleqramda reklam yayımlamaqdan əldə etdikləri gəlirin 50 faizini almağa başlayacaqlar”, – deyə Durov bildirib. O əlavə edib ki, kanal sahibləri bu vəsaitləri ya nağdlaşdıra, ya da onları kanallarının tanıdılması və modernləşdirilməsinə yenidən investisiya edə bilərlər.

MənbəAZƏRTAC
Son xəbərlər
Digər xəbərlər