Tereza Mey, Böyük Britaniyanın Avropa İttifaqından (Brexit) çıxması ilə əlaqədar olaraq etimad sualına həsr edilmiş səsvermədə qalib gəlib və Böyük Britaniyanın Baş naziri vəzifəsində qalıb, Reuters xəbər verir.
Keçirilmiş gizli səsvermədə Mey mühafizəkar deputatların çoxu tərəfindən dəstəkləndi, onlardan 200 nəfər Meyi dəstəkləyib, 117 nəfəri isə əleyhinə səs verib.
Lakin, Leyborist partiyasının lideri olan Ceremi Korbin, səsvermənin nəticələrini əhəmiyyətsiz saydığını bildirib, səbəb kimi isə Baş nazirin parlamentdə çoxluğun dəstəyini artıq itirdiyini göstərib.
“Onun hökuməti xaos vəziyyətindədir və o, Avropa İttifaqı ilə ölkəyə uyğun olan və eyni zamanda ingilis işçiləri və ingilis iqtisadiyyatı məsələlərini xüsusilə əhəmiyyət verən bir razılaşma əldə edə bilmir”,– Korbin bildirib.
Tereza Mey isə qeyd edib ki, onun vəzifəsindən uzaqlaşdırılması ölkənin maraqlarına uyğun deyil.
London və Brüsselin Böyük Britaniyanın Brexit məsələsi ilə bağlı danışıqlar 2017-ci ilin yazında başlamışdır. Bu, 2016-cı ildə Böyük Britaniyada keçirilmiş referendumda Avropaya inteqrasiyaya qarşı çıxanların 51,9% ilə üstünlük qazanmasından sonra baş verib.
