Elektrikli avtomobil istehsalçısı “Tesla” müştərilərinə ödənişi bitkoin ilə etməyə imkan verir. Banker.az xarici KİV-ə istinadən xəbər verir ki, bu barədə çərşənbə günü avtokonsernin qurucusu İlon Mask “Twitter”də açıqlayıb.
“Tesla”nın rəsmi veb-saytında müştərinin bitkoin cüzdanından ödəmə edildiyi ifadə edilir: o, xüsusi QR-kodunu skan edə və ya bitkoin ünvanını yazaraq, ödənişi həyata keçirə bilər. Bununla yanaşı, ödənişi yalnız bir cüzdandan etmək mümkün olacaq. Bu funksiya yalnız ABŞ sakinlər üçün əlçatandır.
