“Tibb müəssisələrinin akkreditasiyası ilə bağlı noyabr ayında müvafiq mərkəz yaradılıb, artıq ştat formalaşdırılır, bu istiqamətdə müvafiq işlər görülür”.
Bunu Səhiyyə Nazirliyinin Səhiyyə siyasəti şöbəsinin müdiri Ramik Quliyev “Səhiyyə İdarəçiləri Zirvəsi 2024” tədbirinin panel müzakirəsində deyib.
O bildirib ki, təsdiq olunan tibb müəssisələrinin akkreditasiya qaydalarının dəyişdirilməsi gündəmdə idi və artıq bu layihə İcbari Tibbi Sığorta üzrə Dövlət Agentliyinə təqdim olunub: “Layihənin təkmilləşdirilməsindən sonra qarşıdakı 2025-ci ildə tibb müəssisələrinin yeni qaydalarla akkreditasiyası mərkəzi fəaliyyətə başlayacaq”.
